Pa eksperensiá e poder transformador di bida di e Salmonan, nos ta yamá pa kanta i resa nan, manera e generashonnan di kreyentenan, ku a usa e Salmonan pa basha nan alabansanan, petishonnan, konfeshonnan, lamentonan, i gradisimentu na e Dios soberano di grasia i hustisia, a hasi.

Nos mester studia e Salmonan, anto? Meskos ku restu di e Skrituranan, a skirbi e Salmonan den nan kontekstonan históriko, teológiko, i literario distintivo. E tarea di studia e Salmonan ta pa trese e mundu partikular di e Salmonan mas serka di e oudiensia moderno. Nos mester nota ku, miéntras e Salmonan ta orashonnan di Dios su pueblo i asta orashonnan ku Hesus a resa komo e Señor enkarná, e Salmonan ta tambe orashonnan tokante Hesus. Nan ta Dios su revelashon na humanidat. Un otro tarea di e estudio di e Salmonan ta, pues, pa siña di e Salmonan tokante tur loke Dios a hasi, i lo hasi pa mundu den i pa medio di Hesu-Kristu.

Aunke e Salmonan ta un kolekshon di 150 poema, e kolekshon kisas no ta asina kasual manera e ta parse. E Salmonan ta duna testimonio di un biahe spiritual ku ta komun pa hopi di Dios su yunan. E biahe ta kuminsá ku un fe ku ta firmemente establesé i sigurá pa e gobièrnu soberano di Dios, i kaminda ta rekompensá bondat i ta kastigá maldat. Segun ku nos ta progresá a traves di nos estudio, nos lo mira kiko ta sosodé ora maldat desafiá i menasá e mundu bon ordená di fe. Dios ta reina ainda? Kon kreyentenan por kanta e kantika di Señor den un tera straño?

Nos deseo i orashon ta ku e Salmonan ta fortifiká nos riba nos biahe di bida, i a traves di nan nos ta yega na topa Dios diariamente, di kurason pa kurason, te na e dia ora nos mira Hesu-Kristu kara kara.